S'Reisli gaht uf Bali

Hoi mitaenand

Ich han immer daenkt Bali,das isch voll touristisch, inn, Ballermann und daenn haends sogar no Bombae wo i dae Disco abgoend, also voll doof, aber wiae ich han mueaessae merkae, isch aes voll einae vo minae Faforitae wordae.

D'Iireis isch zwar chli kritisch gsii: Gmueaetlich mit aem offnae Bus Richtig Denpasar statt 10 Stund halt 15 ghaa, und uf aem Trottoir uf d'Daemmerig gwartaed aber das isch alles easy zu dem was zwueschaeddrinn passiaert isch:

Dae Bus fahrt i dae Nacht uf d'Faehrae, di meistae Luet gound ufs oberae Deck, zum mal chli dBei uusstreckae mir natuerli au. Wo mir wider vo dae Faehrae goend no ae heftigi Smoginfusion vo altae Diseltrucks (all startaed dae Motor und einae nach aem anderae fahrt langsam (sehr langsam) us aem Schiffbuuch usae). Dussae stoppt dae Bus "Get Passport and go out!". Dussae staht aen riisae Labrador mit aemae no groesserae Sunnaebruellaebull a dae Leinae. Mir daenkaed im Chor "Shit eusi Ruckseck sind unbewacht im Bus gsii und das isch aen Drogaehund"

Dae Hund isch waedelnd duer dae Bus taenzlaed und haet chli umaegschnuefflaed und mir haend eus i dem Momaent grad nuemm gspuehrt nur dae luuti Herzschlag isch no vorhandae gsiig, Naemmed mir aa, dae Bull ziaet aen Sack mit wiisaem Puder us eusaem Rucksack waer de Blog no sowenig am laebae wiae mir (uf dae Iireisechartae vo Indonesiae staht: Welcome to Indonesia, deatpenalti for drugsmugeling.)

(Mir haend doch noed daenkt das diae kontroliaeraed waenn mer vo einer uf di ander Inslae tuckeraed)

Also, aber sisch noed so gsi und mir haend Bali choenae vo dae besserae Siitae vo dae Gitterstaeb gnuessae.

Zerst mal aen Roller gmiaetaed und duer d'Inslae duesaed. Ubud, so ae Kuenstlerstadt haett eus guaet gfallae. Und ploetzlich chunnt aes SMS vom Moritz eusaem Urwaldforscher:-) Hey wo sind er, han Feriae fuer ae Wuchae. 12 Stund spaeter han ich aen am Flughafae abghollt und mir sind z'3tae chli umaegstreift.

Bali isch scho raecht touristisch, vor allem Kuta, aber das haend mir gmidae (mir waend ja kei Discos gseh in Indonesiae gseh, sondern s'Land).

Aes gitt aber so chliini Inseli suedlich vo Bali und deet ischs no voll relaxt und voller Kultur, di Iheimischae pflanzaed Seegras im Meer und aes paar Surfer gnuessaed di freiae Taeg.

Wodae Moritz daenn wider ab isch in Jungel sind mir doch no fuer 2 Taeg uf Kuta chli go d'Waellae gspuerae. Aes isch voll laessig gsii chli ueaebae oder dae guaetae Jungs und Maedels zuaezluaegae aber dSpagetti haend am Abig kei Salz meh bruucht, mir haend oepae dae gliichi salzghalt ghaa wiae ae iigleiti Garnelae.....

Aes isch daenn au scho bals richtig Flughafae, s'letschtae billigae Bemo (Taxibuessli) gnoh und warmi chleider fueraegsuaecht fuer Canada.

Jetzt sind mir da und erfreuaed eus a villnae westlichae Sachae, aber scho nach 5 Taeg merkaed mir wiae spetziell und interessant, schoen und draeckig asiae gsii isch.

Vo Canada verzellaed mir eu s'naechsti maal, oepis chliisaes verrataed mir scho mal.....