Bugaboos

Saletti zaemae,

Mmmmhhh haet das trochnae, vertrucktae Ding i mim Muul guaet gschmoekt uf dem Gipfel....

Mir sind wider dunae i dae Zivilisation, vorhaer sind mir oepae 1.5 Stund uf aerae Schotterstrass us aemae verlassnae Tal gfahrae, und vorhaer sind mir 3 Stund vollbepackt aes Gletertal abaegloffae und no vorhaer sind mir i dae Bugaboos gsii.

Wiae ihr uf dae Fotis gsehnd aes Paradies fuer Berstieger und anderi Romantiker....

Mir sind 1 Wuchae uf 2500Meter i eusaem Zaelt ghockaed und haend ab und zuae aen Berg bestigae, chli gsuennaelaed oder mit andernae Bergverrucktae ueber Blitzschlag, Routae oder feinae Bradwuerst diskutiaert. Zaessae haet immer Poridge zum Zmorgae, so trochni, vertruckti Sachae zum Zmitag und Pasta mit Suppae zum Znacht gaeh. Aes isch no schwirig zbeschriibae wiae dae Salat und dBradwurst im nachatae Stedtli gschmoekt haet, Supermegahimmlischultraver...gschmacksvoll!!!

Au dDuschi im naechstae (120km entferntae) Swimmingpool isch "noed ganz narmal" gsii. DNicole haett ab und zuae chli Gletscherwasser under ihri Aerm gschuettaed, ich hans liaebae grad ganz siiglah, mer haend ja noed a aes Vorstelligsgspraech mueaessae oder so.

Deet obae haett mer ganz guaet gspuehrt wiae gross und verlassae Kanada isch, du stasch uf aemae Berg gsehsch unheimlich wiit und all das wod gsehsch isch nur Naturpur, keis liaechtli keis gruesch. ussert mal aen Squirl wo eusae wertvolli Food will vertruckae oder aen Tunner wo ueber eusaem Zaelt abgaht. Ja, sWaetter isch ab und zuae wiae uf dae Foeteli gsii, (mir mueaend aber gestah) ab und zuae isch au chli grauer und naesser gsii ebae mit Blitz inkl.

So ez luaegaed mir mal als naechst wiae diae Baerae da in Jasper so druff sind, mir waend aes paar Taeg in Wald go umaewatschlae und luaegae dass mir eus noed verirred.

Machaeds guaet

Thomas und Nicole